موال الأنشودة الأولى ::

يابا لو عاد السهر في أرضي وعتابا لغنى الأووف وعالميج وعتابا _2_
أنا بحب الأرض وبجرحي عتابا وأنا المجروح من طول الغياب

...

الأنشودة

حن الوطن يابا يابا وصلت مراسيله
دمع البعد يابا اكتب مواويله
اكتب له مهما نغيب عن بالنا ما يغيب
راح تنطق المكاتيب عنا وتحكيلك

وطني بغلاة الروح لا والله وأزود والعودة إلنا حق عمره ما بيتعوض
بنشتري وما نبيع لو تدفعوا أزود احنا دفعنا الدم لأجله نضحيله

وين الخلق تسمع كلمة ما أثنيها هالدار راح ترجع وأرجع وأبنيها
والروح لو تطلع معلقة فيها حب الوطن يا ناس بقلوبنا نشيله

يا ناطرين الدرب لابد ما نرجع بكرة الفجر بيطل وبهالوطن يلمع
غنى الوطن وبشوق يا ليل قوم اسمع يا أبو قلب مجروح ردد مواويله


ألأنشودة الثانية

يا ريح لو مريت عبلادنا وديارنا ميل على باب البيت واحكي إلو أخبارنا
يفتح إلك ديوان مفروش للخلان والدالة والفنجان يحكوا هلا زوارنا

يا ريح وطلع فوق عند العلالي وشوفها تسمع غناوي الشوق عطر الندى ورفوفها
مشتاق من ليلة سهر لصغار غنوا للقمر حيطانها إلنا صور رسمتها لتذكارنا

وانزل على واد البلد تلقى خطاوي لحبابنا قصة على طول الأبد مكتوبه فوق ترابنا
هذي طريق خيولها لجبالها وسهولها فيها مشوا على طولها رجالنا وثوارنا

60 سنة يا دروبنا وفينا عشق لبلادنا فينا العهد في قلوبنا وبنعلمه لأولادنا
راح تبقى إلنا يا بلد ميراث لولد الولد وانتي الحنين اللي انتفض بعروقنا يا دارنا

الأنشودة الثالثة

عالخيمة كتبنا الوعد راح نستنى رجعتنا وخبينا قوشان الأرض بين سنين غربتنا
وخلينا مفتاح الدار بالصدر وبين الأسرار والله وإن طال المشوار إلنا حق بعودتنا

فرقنا البد صغار وكبرنا وشيبنا ما نسينا طريق الدار ولا بين الخلق ذبنا
بدمع الشوق والتذكار راسلنا حبايبنا وأسامينا بتظل هناك محفورة بزيتونتنا

وبليل المخيم كان عشق بلاده أغانينا وغزلنا للوطن ألحان تصبرنا وتواسينا
وظله الأمل سهران لو نغفى يصحينا وحلم العودة فينا ظل صورة حلوة تربينا

ومهما نغيب راح نرسى عالشط الفلسطيني وحق العودة ما ننسى ولا هالبيت ناسيني
وبالصرخة وبالهمسة يناديلي ويبقى هالوطن مشتاق ناطر يوم عودتنا

الأنشودة الرابعة

عبرنا هالجسر يا ليل وفاض النهر بدموعي فراقك يهد الحيل يا أرضي ويربوعي
ونا جرحي صبح جرحين ولا عارف طريقي وين وأحكيلك صبر يا عين لابد ينادوا لرجوعي

ومن خيمة لخيمة كان جمر الذل يكويني وأنا شايف شجر بيسان بيلوح ويناديلي
واسمي بالفقر ينهان كرت لاجئ فلسطيني وأشيل الهم وكثر الشيل يكسر قلبي وضلوعي

أنا كنت ببلدنا كبير أحرث هالأرض وأفلح وأتسامر مع النواطير وبأي عرس بفرح
كنت أسرح مع العصافير عجبين الندى يرشح ولا مرة حسبت حساب الغربة تقطع فروعي

أنا عندي أمل يا بلاد مهما يطول هالترحال أنا وانتي على ميعاد وراح ترجع هدات البال
وحبك يا بلد يزداد وعنك هالقلب ما مال وأحكيلك صبر يا عين لابد ينادوا لرجوعك

الأنشودة الخامسة

بكى هالقلب عالدار الهوى وغزلت الحب أشعار بهواها والله يوم يرجعني هواها لحني الشيب وأرجع شباب

الأنشودة :

ميلي لو مال الهوى لا تلومي على يا ريت نرجع سوى للعيشة الهنية
لغنيلك عالنوى قصايد حنيني وخلي الدوالي تميل وتظلل حواللي

وعالبيدر كان السهر يا جفرا يحلالي واكتب اسمك عالقمر بحروف موالي
والطير حدي عبر سمعته حكى لي اوعى تغرب يا حلو الغربة ذلية

والفرقة كانت غاصب لتزيد في كتابك وعندك خليت القلب معلق على أبوابك
أول ما مشيت الدرب وصلني جوابك وإنتي أدرى في حالي وشو اللي صاير فيّ

يابا بكفى يا جفرا دمع لرجع لك وأجيلك نمشي على حد النبع تحكيلي وأحكيلك
عالندى نسقي الزرع والزاد بمنديلك نقعد نتريق سوى من ايدك وايدي

الأنشودة السادسة

حنا راجعين بعون الله وما نرضى الوطن البديل إلنا القدس ورام الله يافا وغزة والخليل
يا نابلس يا جنين جايين جايين لو بعد سنين للرملة فينا حنين واللد وأرض الجليل

ويا حيفا بحرك ما أحلاه وعكا تغني للبحارة تراب الكرمل ما أغلاه
وأريحا وأرض الأغوار طولكرم بيتي ما أنساه والزرع اللي كان غماار

بقلقيليا بيتي ما أنساه والزرع اللي كان غمار
ياصفد يا أحلى نسمة بتشفي القلب العليل

وفي ئر السبع أراضينا والراعي اللي غنى أوف صوت النقب بينادينا
رفوف بتبقى طوباس وبيسان بعيون الشعب الأصيل

ويا فلسطين وفوق ترابك إلنا ذكرى وحكايات احنا أهلك وصحابك
ما بننساكي للممات بكرة االشمس تلم حبابكمنكل بلاد الشتات
واحنا راجعين بعون الله وما نرضى الوطن البديل

الأنشودة السابعة


مفتاح الدار أغلى من الذهب عندي إلكم يا صغار راح يتروث من بعدي
طال المشوار وهالمفتاح بايدينا رمز وشعار هيو لحق العودة

هات المفتاح يا حجة تا نذكر كرم التفاح مع كرم اللوز الأخضر
ويا أبو فلاح على بيتك لا تتحسر بكره بنعود والله يفرج هالشدة

ريحة البلاد بهالمفاتح محلاها وإن الله راد راح نتنسم هواها
وعيشتنا غاد مين بيقدر ينساها زينة هالكون وكل الدنيا يا أرضي

يا ما حنيت بايدي افتح أبوابك بسراج لزيت أضوي على كل أحبابك
وأحكي يا ريت أرجع أقعد باعتابك وأنده عالضيف هلا بك ميل عنا

الأنشودة الثامنة

وهي عبارة عن حوار بين جد ( مثله عبد الفتاح عوينات ) وطفل الغد

الجد : يا ذكرى النكبة الستين اسمع يابني مني قصتنا عن عيشتنا بفلسطين حبيناها وححبتنا
الطفل : احكي يا جدي من الأول عن هالليل اللي طول عن هالطير اللي شمل من ديرتنا وقريتنا
الجد : عشنا في هدات البال وبنزرع وبنحصد الغلال حب السامر والموال على البيدر في سهرتنا
الطفل : احكي يا جدي عن داري وداري دمعاتك داري وعن قعدات العصاري بفية زيتونتنا
الجد : بيتي بايدي بنيتو جبت الشيد وطليتو يابا مثل القصر خليته يجمع أهلي وعزوتنا
الطفل : يا جدي ايش الي صار وكيف طلعتوا من هالدار ومين اللي علينا جار ورمانا في غربتنا
الجد : صارت هالغربان تحوم وتعشش جوا الكروم وعد بلفور المشئومهو سبب نكبتنا
الطفل : درس التاريخ الحزين اسمعنا عن ديرياسين منارهاب الصهايين اتشردنا واتشتتنا
الجد: شلنا السلاح وثرنا دافعنا وما قصرنا لكن هذا قدرنا نعيش بذله خيمتنا
لطفل : من عزمك من اصرارك راح نكمل مشوارك راجع ياجدي دارك ونرفع فيها رايتنا
الجد : اسمع مني وصية إن وجيلك يابني انتو أمل الحرية بكرة تردوا عزتنا
الطفل : ياجدي اسمع وعدي ما بتخلى عن أرضي يا فلسطين استعدي جاية فرحة عودتنا

وانتظروا الألبوم القادم قريبا جدا
احترامي للجميع
ثائر