       | اختر لون صفحتك
        | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| أحدث الألبومات العربية | ||||||||||
|
| |||||||
| المسلسلات العربية و التركية أقوي وأجدد المسلسلات العربية و التركية المدبلجة |
|
| | LinkBack | أدوات الموضوع | انواع عرض الموضوع |
حصريآ مسلسل سنوات الضياع (( القصة ^صو المسلسل^ جميع الحلقات )) تم اضافة الحلقة 150 
| إعلانات Google |
|
|
3 أخر المشاركات بواسطةFaDy BaRaKa
| |||||
| الموضوع | المنتدى | أخر مشاركة | ردود | مشاهدة | أخر مشاركة |
 ⋛ ⋋ أعضــــائنــاا ع المـااسنجــر ⋌ ⋚ | منتدى الحوار الجاد | هيثـمـ | 10 | 140 | 08/04/2008 01:18 PM |
| عــمــلــيــــة قـيـصرية للــجــــمـــــل | منتدى الحيوانات | دُموع الرَحيل | 5 | 106 | 03/04/2008 01:18 PM |
|
12/03/2008, 02:09 PM
| ||||
| ||||
  الحلقة الاولى (( الحلقه الأولى )) يبدا المسلسل بمشهد يحيى العامل بمينا شاب منتوف فقير راس ماله هالوظيفه و رفيف يشتغل معه صديقه ويوصلون عند شاحنه ويسمع يحيى صوت جاي من جوا السياره ينتبهون لهم 2 وكانوا واقفين بعيد ولما شافوهم إرتبكوا أصر يحيى إنه يفتح الشاحنه ويشوف وش داخلها والإثنين يحاولون فيه ويقولون مالازم مافيه أحد ويوم فتح الشاحنه لقى بداخلها واحد شوي ويموت من الكتمه أسعفوه وقاموا يسألون من مين هذا ووش جابه وتلاقطوا يحيى والإثنين والباقين يحاولون يهدون الموقف عاد بالأخير طلع واحد مهربينه من برا * * بعد كذا يجيبون رفيف وهي تشتغل خياطه بمصنع ملابس كبير ومعها صديقتها وبنت حارتها --> نسيت إسمها ورئيستهم بالشغل وجه يقطع الخميره من العجينه بعد كذا يجيبون مكتب مدير المصنع حق الملابس اللي تشتغل فيه رفيف قاعد مع ولده عمر وبنته لميس ويتكلمون عن الشغل وكيف يحققون مبيعات أكبر عمر يقول لأبوه إنا لازم نجيب ألات مطوره أكثر ونطور من شغلنا ونجيب عارضات أجنبيات ووووو الأبو ماجاز له كلام ولده ويقول كذا الشغل ماشي تمام وحنا سمعتنا ممتازه بالسوق وش نبي أكثر من كذا وأنت ترى ماكبر شنبك المعفن هذا إلا هالألات القديمه اللي ماهي عاجبتك ---> هذي من عندي ولميس من راي أخوها وتشوف إن التطوير بالشغل شي ضروري * * يحيى يطلبه مديره بالشغل ولمى جاه عطاه مكافأه وقال هذي إكراميه ومكافأه عشان اللي سويته اليوم قال يحيى أنا ماسويت شي وأي واحد بمكاني بيسوي نفس الشي قال لا منت رادني وأنا أبوك وأخذها منه أول ماأخذها طـــار بدبابه لمحل ذهب وشرى خاتم لرفيف بكل الفلوس اللي معه وعلى مافهمت إن هالخاتم يسمونه خاتم الوعد بالزواج يعني مو خاتم خطوبه وكان مواعد رفيف إنه يشوفها وراحت رفيف تنتظره بنفس الوقت طلعوا عمر ولميس من المصنع رايحين البيت راحت لميس مع السواق وعمر قال لسواقه خلني أنا اللي أبي أسوق السياره اليوم * * طلع يحيى من محل الذهب وطار بالدباب عشان مايتأخر على رفيف قطع الإشاره وهو مسرع ومادرى إلا وسياره عمر بوجهه وطاح من الدباب وطاح الخاتم هنــــاك عمر إرتاع وواضح إنه رخمه ماعرف يتصرف جت إخته لميس وهدت أخوها وقالت إزهلها وأنا إختك راحت لسواقها قالت شوف قول إنك أنت اللي صدمته وماعليك بنطلعك وماراح نبخل معك قال طيب جا الإسعاف وشالوا يحيى وجت الشرطه تحقق بالموضوع وظفوا السواق على أساس إنه هو اللي سوا الحادث شافت لميس الخاتم طايح على الأرض وقعدت تناظر فيه شوي وعطته الشرطي * * بهالوقت كانت رفيف تنتظر يحيى وسألت واحد قال إيه قبل شوي صار حادث على واحد كان راكب دباب وإن حالته حاله إنهبلت رفيف وراحت تركض لمكان الحادث ويوم شافت دبابه قامت تصارخ وحالتها حاله بالمستشفى الدكتور قال هذا حالته صعبه والحاث كان مررره قوي وبعدين هو ماكان لابس الخوذه حقته ويمكن الضربه تأثر على راسه بعد شوي دخلت رفيف على يحيى بالمستشفى وقامت تصيح وهو يهديها ويقول مافيني شي ومن هالكلام وهي تلعن وتطعن بهالدباب وقامت تهاوشه من الحره * * بالليل كان فيه زي الإحتفال بالمصنع وكانت الصحافه جايه وبإعتبار إن عائله أبو عمر مشهوره فكانوا محط أنظار الصحف والمجلات كانت لميس و أبو شعر مربوط --> نسيت إسمه واقفين مع بعض جاهم صحفي وقال إييه أكيد بينهم شي وهالكلام جاز لأبو شعر بينما هي كانت متضايقه وتقول للصحفي بعد الكاميرا .... وكان عمر بالحفل ومازالت تعلو محياه آثار الروعه * * من بكرا طلع يحيى من المستشفى وكان معه رفيف وإخته وصديقه أم رفيف مو جايزلها يحيى من الأساس وودها إن بنتها تاخذ لها واحد غني وإبن عز بينما إختها دابتن سليمه أبو عمر و زوجته قاعدين ببيتهم وأبو عمر يشكي ظهره ومرته تدلكه وتقول لازم تاخذ لك مساج بأحد المراكز قال ياشيخه يازين أيام قبل بس ... ماكنا نعرف هالعلوم دخلت عليهم لميس وبعد ماقاموا أبوها وأمها راحت لعمر وقالت له شوف ترى الموضوع إنتهي والشاب طلع من المستشفى ومافيه إلا العافيه فرح عمر وقال أشووووووى ----> هو قال كذا مادروا إلا أمهم طابه علهم وقالت وش تتساسرون فيه ياعيال و لميس يغدي وجهها ألوان وبكذا تكون إنتهت الحلقه الأولى |
|
|
12/03/2008, 02:10 PM
| ||||
| ||||
| (( الحلقه الثانيه )) يحيى و رفيف يتمشون بالسوق وبعد كذا يقعدون بمطعم هناك وهو ييعلق على الطالعه والنازله ولا عاجبه شي هالطعس تمر بنت من جنبهم لابسه قصير فتقوله رفيف شوف هاذي حلوه فيقول مين هي >>> يقاله عاقل ويقعد يعلق وش هاللبس ومن هالكلام بعدين يجي واحد ويجلس بالطاوله اللي جنبهم وينقهر يحيى ( غيور ويروح يطلب قهوه ويوم سألها وش تشرب قالت كابتشينو ويطلع فوق راسه قفل مصدي >>>أول مره يسمع به عاد رجع وكان ناوي هاللي قاعد بجنبهم نيه شينه ويروح له من غير سبب ويلعن خيره رفيف تفشلت من موقف يحيى * * بعدكذا ياخذها يحيى لمكان ثاني ويطلع لها الخاتم اللي شراه لها ويلبسهياه ويقول من زمان وأنا نفسي أشري لك هالخاتم بس ماكان معي فلوس ويوم أخذت المكافأه شريته على طول وطبعا هي فرحت فيه مرره وقالت يجنن وبعدين ياخذها ويروحون عشان يشوفون بيت ناوي يستأجره إذا تزوجوا بس رفيف ماعجبها البيت أبد >>>أخص يابنت النعمه * * أمها السالفه كلها ويحيى براسه ماجاز لها وبس تقول لبنتها شوفي فلانه أخذت واحد غني وفلانه وفلانه رفيف تقول لإختها تكتب لها طلب ترقيه أو طلب شغل إظافي بنفس المصنع اللي تشتغل فيه عشان تساعد يحيى عمر دخل البيت وأمه بس تحن عليه ليش ماتخطب فلانه بنت فلان من عائله محترمه وناس راقين ولكنه مارد على كلام أمه * * من بكرا راحت رفيف المصنع وكانت تكوي الملابس اللي راح يلبسونها العارضات بيوم الحفل جتها لميس عشان تقولها تشتغل زين وبينما رفيف تكوي طاح الخاتم على الأرض وأخذته لميس وبرضوه قعدت تناظر فيه شوي وكنها تذكرت إنه نفس الخاتم اللي شافته طايح بالشارع يوم الحادث بعد ماكوت رفيف الملابس أخذت فستان وطبعا ماكان بالغرفه أحد لبسته وقامت تستعرض قدام المرايه وتكلم روحها كنها مجنونه ومادرت إلا وعمر قدامها وعينيك ماتشوف إلا النور قالها : أنتي من العارضات قالت: لا أنا أشتغل هنا وقست الفستان وأنا أسفه قالها الفستان حلو ( بيفلج ) إلا إنتي اللي بتفلجي >>> من زين الذوق * * بالليل كانت رفيف وأمها وإختها معزومين على زواج بنت جيرانهم اللي تزوجت ولد نعمه ومن يوم جلسوا وهم بس يحسدون العروس ويقولون وش هالحظ وش هالعز وبنفس الوقت دخل يحيى وأمه وأول ماإنتبه للبس رفيف قال وش هاللبس وش هالفتحه غطي صدرك وحطي دبوس خخخخخ ولاعمرك تلبسينه مره ثانيه قالت: طيب إخت يحيى كانت حاظره الزواج وزوجها بس يشرب ومطنشها وصديق يحيى عيونه مانزلت منها وهي بعد كل شوي تناظره * * بنفس الليله كان فيه حفله في بنت أبو عمر وكلها ناس هاي وأمه تقول طب وتخير من بين هالبنات وكان من بين الحظور وحده داشره سكرانه ترقص مع واحد شكل عمر كان يحبها راح وقام يرقص معها لميس إنقهرت من أخوها وراحت واخذت البنت منه حركة تصريف يعني بعد كذا كان فيه عرض لملابس من تصميم لميس وكانت تمشي وتشيك على العارضات والوضع وكانت عائلتها حاظره العرض وجايزلهم شغل بنتهم بعد العرض تروح رفيف السوق لحالها وكان عمر يمشي وراها ومادرت إلا وهو جنبها |
|
|
12/03/2008, 02:18 PM
| ||||
| ||||
| (( الحلقة الثالثه ))  رفيف بالسوق وقاعد تشوف فستان ومادرت إلا وعمر بيك بجنبها قال عجبك الفستان وقالها شو رأيك أعزمك عاد هي منن الخبه حاولت تصرف نفسها وقالت لا أنا أبروح وأنا وأنا ---> تصرفه بس الرخمه بلشه وقال طيب أنا بوصلك قالت أوك وطول الطريق وهو يتميلح هو وشنبه وهي قرفانه منه الموهم وصلها لراس حارتهم وبالصدفه كان يحيى يتمشى هو وخويه إلا ويشوف رفيف وهي نازله من ذيك السياره الفخمه يوم شافته إرتبكت وهو عصب عليها وقعد يهاوشها وقال وش هالسياره ومن اللي موصلك وهي تحاول ترضيه وقال تبيني أشوف حبيبتي نازله من سياره كذا وماتبيني أغار لكنه هو حنتش وزعل وتركها * * بالليل بيت أبو عمر عندهم حفله كالعاده وناس من الطبقه الراقيه هالعائله ماناقصهم شي كلش عندهم فلوس وعز وسعيدين وكل أبو الأشياء وكمان علاقه عمر بلميس مررره حلوه ومبين إنهم أكثر من إخوان * * رفيف بالبيت تصيح وأمها تقول ماعليك بكرا بيجي ويراضيك قالت لا ماراح يجي عاد أمها قالت بقريح وش بتحصلين من هالمنتف وبهالوقت قال يحيى سهران بالقهوه مع خويه وحاط حرته بالشرب  عمر وأبوه بالشركه قاعدين يتفرجون على صور العرض حق لميس الشايب خق على العارضات وقال : إييييييييييه على أيامنا ماكان فيه كذا شف الأجسام عاد الرخمه قال ترى أبعلم أمي قال أبوه أبك لااااا وبعدين وهو يتفرج على الصور شاف صوره الفستان اللي كانت لابسته رفيف وقام يتذكرها * *  رفيف راحت لمكتب لميس وقامت لميس تسألها أنتي ليش تبين تغيرين شغلك ومن هالكلام عاد بالأخير قالت بنسوي لك تست ونشوف وش يطلع معك قالت رفيف أوك * * إخت يحيى راحت لأمها ووجها كله كدمات من زوجها قالت أمها أنتي لامتى بتحملينه قالت هذا طبعه إذا كثر شرب حط الحره فيني أبو شعر مربوط راح لميس وقالتله عن رفيف وطلبها قال خلاص نجربها ونشوف وإغتنم الفرصه وعزم لميس على العشا ووافقت * * رجعت رفيف البيت ولقت أمها وأختها جالسين وقدامهم هديه قالت أمها هالهديه لك وإختك مارضت نفتحها لين تجين يوم فتحت العلبه لقت فيه الفستان اللي شافه عمر بيك عليها أول مره ومع الهديه بطاقه يقول فيها إنه عازمها على العشاء أمها سألت من عمر أمها بعد ماعرفت إنه عمر بيك ولد صاحب الشركه إسفهلت بس رفيف أصرت إنها ترجع له الهديه راحت له المطعم ورجعت له الهديه وطلعت ويوم رجعت البيت هاوشتها أمها وراحت وقعدت بحوش بيتهم وما ومادرت إلا ويحيى جايها وتركض له وتقول ليش ماسألت عني قال ليش أنتي ماسأتي وقاموا يتشرهون على بعض وركبت معه الدباب وراحوا  بهالوقت جت وحده وجلست جنب عمر وأنواع التلزق ( أنا بيتي قريب !! وماراح خليك تروح مني ) ويوم ركبت معه السياره وشافت الفستان قال الفستان مقاسي وأخذته !!! ومنه راحوا لشقتها ولبست له الفستان وفهمكم كفايه يحيى أخذ رفيف البحر وقام يتغزل فيهها رجعت البيت وشكانت أمها تنتظرها بتلعنها بس يوم شافتها كيف تحب يحيى إبتسمت ----> من زين التربيه خخخخخ وبكذا تكون خلصت الحلقة الثالثه |
|
|
12/03/2008, 02:50 PM
| ||||
| ||||
| (( الحلقه الرابعه )) يحيى كان قاعد بالمينا اللي يشتغل فيه وجاه واحد من المهرببن يحاول يتقرب منه ويدخله معهم بسالفة التهريب وقام يغريه بالفلوس ---> نقطة ضعفه لكن يحيى ماعطاه رد اكيد * * أم يحيى قابلت أم رفيف بمحل وقالت لها إني أنا ناويه أزورك عشان نخطب رفيف وأنتي أكيد عارفه إنهم يحبون بعض ولكن أم رفيف كانت تكلمها من طرف خشمها وكنها ماهي راضيه عن السالفه ولا ودها إنها تصير * * أبو شعر مربوط ( إسمه بالمسلسل مراد عاد مدري غيروا إسمه بعد الدبلجه ولا لا ) الموهم قابل لميس وكانت تمشي مع أخوها وأكد على موضوع العشا اللي هو عازمها له وقالت أوك * * يحيى أخذ رفيف عشان يوريها شقه جديده ... الشقه أعجبت رفيف مررررره وقالت إيه هذا البيت وصارت تتخيل وتوزع الأثاث على كيفها يحيى كان طايرمن الفرحه لأنه لقى الشي اللي يرضيها لما راح للشايب اللي يأجر البيت قاله إن البيت غالي وضاق صدر يحيى وقال طيب أنا بحاول أدبر قيمته بس لاتقول هالكلام قدام رفيف تروح رفيف لبيتهم وتقعد تسولف مع أمها وأختها وقالتلهم عن الشقه وكبف إنها حلوه قالت أمها أتني على بالك إني ماأحب يحيى بالعكس يحيى شب شهم وشغيل وطيب وبيحبك وماراح بلاقي لبنتي أحسن منو * * بالليل كان يحيى وخويه بالمطعم يشربون كالعاده ويقوله إنه شكله بيظطر يشتغل بالتهريب عشان يكون غني ويعيش زي االعالم والناس لكن خويه خانقه وقال لا لاتتهور وإقتنع يحيى وصرف نظر عن الفكره رفيف مع أمها وتقول لها إنها تحب يحيى وقالت أمها الحب مو كل شي شوفيني أنا أبوك كان يحبني حب فضيع ومع هذا ظاع الحب بعدين وقامت توصيها وتقول الرجال بتصبري عليه إلا عند حاجتين الأولى لما بيضرب لاتسامحيه لأنه بعدين بيتعود على الضرب ويصير عادي عنده والثانيه ماسمعتها زين ---> سوري رفيف دبلت كبد لإختها بالشقه وإختها تقول إتركيني أنام وراي إمتحان وهي لاحياة لمن تنادي * * لميس راحت لمراد بالمكان اللي عزمها فيه وكان مكان راقي وكانت ي بعد كاشخ على سنقة عشره راحت وجلست وقالت وشو الموضوع اللي كنت بدياني فيه ؟؟ قال أنا بصراحه معجب فيكي وكل يوم أتعلق فيكي أكثر ويمكن أكون أحبك !! هي إرتبكت وماتدري كيف تصرفه قالت إني أنا أشوفك صديق وماودي أضحك عليك وأعشمك إقتنع الضعيف وقال خلاص خلينا نشرب نخب صداقتنا ---> مخفه * * من بكرا عمر راح لمكتب إخته لميس وقعد يسألها عن العشا وإيش مناسبته قالت إنه معجب فيني وإنه بيحبني قال عمر مراد شاب مهذب وإبن عيله قالت بس هو قالي الموضوع بشكل جاف ولا فيه رومانسيه وأنا ودي أعيش حب بحياتي قال عمر يالميس أنتي متأذره بالأفلام كثير قالت يمكن معك حق يحيى وأمه وأخته وزوجها وخويه راحوا كلهم عشان يخطبون رفيف قالت أم يحيى أنتي عارفه إن من بعد وفاة أبوه صرت أنا الأم والأبو واليوم أنا جايه أخطب بنتك رفيف لإبني يحيى قالت أم رفيف يصير خير ورفيف تنبسط رفيف بدت تأخذ دروس وكورسات عشان تشتغل بقسم المبيعات وهي طالعه من القاعه قابلت لميس وعمر سلمت لميس عليها وعرفتها على عمر وقامت تمدح فيها وتقول هاذي بنت شغيله وحلوه وكويسه ونبغى نشغلها بالمبيعات بعد كذا راح عمر وطلب ملف أسماء المشتركين بالكورس حق المبيعات ولقى معلومات عن رفيف * * يحيى كان برا ينتظر رفيف وو واقف عند الباب طلعت لميس من المصنع وركبت مع السواق يحيى سأل خويه علي من هاذي قاله هاذي لميس وهذا سواقها قال إيييييييه جابه الله ويوم جا بيطلع السواق من المصنع قال ليحيى بعد الدباب قال طيب ويمشي شوي ويرجع ويصدم السياره بقوه عصب السواق وقعد يخانق ويقول وش سويت ويحيى يقول أنت اللي ماتشوف وكبرت الهوشه وطلعت لميس من السياره وقالت للسواق حصل خير شيك على التأمين حق السياره ويركب الشايب ويمشون وتناظر لميس يحيى نظرات إحتقار ---->( طبعا هو سوا كذا لأنه يوم شاف رفيف وهي نازله من السياره ذا ك اليوم كذبت عليه وقالت هذا سواق لميس اللي وصلني فهو حقد على السواق ) * * يحيى أخذ رفيف من المصنع وراحوا جلسوا على البحر وطول الوقت ورفيف مالها سالفه إلا الشقه وتقول خلاص أنا تخيلت الأثاث وكل شي وهو ساكت قالت وش فيك قال ماراح نستاجر الشقه وينصفق وجهها المسكينه قال أنا اليوم إنطرت من الشغل حاولت تواسيه وتقول ماعليك أنا أبشتغل وبيرقوني وبيزيد راتبي وهو يقول أنا ماأرضاها عليك راحت لأمها وقالت الأم والحين وش بتسوون وعصبت جت الشرطه للمينا عشان سالفة التهريب وطلبوا يشوفون الشاب اللي كان شاهد على سوالف التهريب واللي هو يحيى وبكذا تكون خلصت الحلقه |
|
|
12/03/2008, 02:52 PM
| ||||
| ||||
| (( الحلقه الخامسه )) جت الشرطه للمينا اللي كان يشتغل فيه يحيى وسألا عنه وقال رئيسهم إنه فصل من الشغل وطلبوا شهاده الباقين اللي كانوا موجودين ذاك اليوم اللي لقا فيه واحد مهرب بالشاحنه ويوم حققوا معهم كلهم محد قال شي فزع صالح خوي يحيى وقال أنا كنت موجود وعلم بكل شي شافه * * يحيى راح يدور شغل وكان فيه ناس كثار مقدمين على هالشغل وكان من بين الموجودين شايب حالته لله قال يحيى وش جايبك في ذا قال أنا محتاج شغل ومحتاج فلوس لأن بنتي بالمستشفى وعيالي ذبحهم الجوع وحالتنا لله بعد كذا جا المعلم وإختار من اللي مقدمين على الشغل كذا واحد من ظمنهم يحيى ولكن يحيى راح للمعلم وقاله إختار هالشايب بدالي هو بحاجة الشغل أكثر مني ---> فديت اللي يضحي بنته مريضه وحالتهم حاله قال أنت صآآآحي هالشايب له قدره يشتغل قال ماعليك بيشتغل وإنا المسؤل وراح وطير عليه الشغل عشان هالشايب ---> فعلا أهم شي الأخلاق صالح راح قدم إستقالته وقال خلاص أنا من بعد يحيى مالي قعده عندكم عمر راح لمركز التدريب حق التسويق كله عشان يشوف رفيف ورفيف وجهها ألوان وماودها إنه جا * * أبو عمر وزوجته ولميس ومراد يتغدى بمطعم وطول ماهم قاعدين وهم مدح بالمطعم وصاحبه مراد سأل لميس عن الفرس لأنه كان تعبان قالت والله له كم يوم تعبان وأنا قلقانه عليه عمر قعد يتميلح ويعطي دروس بفن التسويق وقال طيب خلونا نطبق الكلام اللي قلته الحين راح أختار أحد منكم وإختار رفيف عاد سوا نفسه زبون وإختار جاكيت وقال منو ألوان قالت إيه قال المدرب حقهم لا مافيه قال طيب إختاريلي جاكيت وراحت لبقت له جاكيت شتوي على بلوزه صيفيه وقعد يتطنز فيها وضحك عليها الموجودين صالح راح ليحيى وقاله إنه قدم إستقالته لأنه ماعاد يقدر يتحمل الشغل بدون خويه وقعد يحيى يشكي له الحال إنه تردى مرره وإن ماعاد عندهم فلوس حتى الكهرب ماسددوه قال صالح إن فيه واحد مواعده بشغل بس بمنطقه بعيده مررره وإن بكره التقديم حقهم * * لميس راحت تزور الفرس ولاحظت إنه مرره تعبان وقال العامل حقهم إن الدكتور يشوفه كل يوم لميس وأمها بالساونا وأنواع التمصلخ وأمها تقول : لها وراك ماتوافقين على مراد وش ناقصه ألف بنت تتمناه وبعدين ترى ماعاد أنتي صغيره كلها كم سنه وتقل فرصتك بالزواج وتعنسيين وتطيحين بكبدي قالت : يمه سكري الموضوع أنا ماراح أتزوج إلا عن حب يحيى عازم رفيف بمطعم ويوم أكلو قال وش رايك نحلى وطلب صحن حلو ويوم جت الفاتوره ولين ماعنده فلوس قالت رفيف خلاص أنا أدفع وهو ينقهر مرررره ويقول إيه صح نسيت إني اليوم دفعت الفاتوره ومامعي شي وهي تقوله وش يصير لو دفعت أنا الحساب دايم أنت اللي تدفع وبعدين أنا م شريكتك ولا شو وبعدين بكرا إذا رحت شغلك الجديد من وين لك فلوس المواصلات قال أروح مع صالح وقعد يخمها ويقول أنا بحبك ودي أخليك أسعد وحده بالعالم * * عائله أبو عمر قاعدين يسولفون وأبو عمر كالعاده يسب الجيل والحياه والحياه ويقول قبل أحلى وأزين ومادروا إلا ومراد داخل عليهم أبو عمر وعياله ومراد قاعدين يتفرجون على فيديو لهم زمان أول ماشروا الفرس ومادروا إلا وعامل الإسطبل داخل عليهم ويقول إلحقوا الفرس مررره تعبانه وعلى طول يروحون يشوفونه لميس قررت تنام عنده وامها تقول إرجعي مهنا إلا العافيه وهي تقول لا ماراح يجيني نوم وهو تعبان كذا قال مراد خلاص أنا بقعد معك أنا أفهم بالخيول قالت أوك قالت أم عمر لمراد شكرا لأنك قبلت دعوتي اليوم على الغدا ----> يعني الأم بتلصقه ببنتها غصب * * رفيف وإختها بغرفتهم وتقول لإختها إن يحيى بيروح بكرا يقدم على شغل جديد بس راح يكون بمنطقه بعيده ومامعه فلوس وإختها تستخف دمها وتقول وشلون عمر للحين تشوفينه ورفيف إنقهرت منها لميس ومراد بالإسطبل قالت لميس توقعت إنك تاخذ مني موقف بعد ذاك اليوم أنا أسفه أنت تستاهل وحده أحسن مني أنت عارف إن كل البنات منهبلين عليك قال : أنا ماعلي من البنات أنا أحبك أنتي وبس قالت أنا اللي غريبه قال تدرين وش الفرق بيني وبينك ؟ الفرق ( إني أنا عارف شو بدي بكن إنتي مابتعرفي شو بدك ) * * يحيى وصالح راحوا للشغل الجديد وقبلوهم وقالولهم إن الشغل هنا أحيانا يطول وماله موعد ثابت قالوا خلاص وبدو الشغل لميس صحت من النوم ولقت الفرس طابت ومافيها إلا العافيه وقامت تخمها رفيف خلصت دورتها والتنائج راح تطلع خلاص وقال المدرب إنهم راح يسوون حفله وكل واحد يجيب أحد معه لو حب عمر طلب تنائج الدوره عشان يشوف عدت رفيف ولا لا * * رفيف راحت تقابل يحيى بمكانهم اللي دايم وسألته وش صار على الشغل وهو كان مبين على وجهه إنه ماحصل شغل وهي تواسيه وتقول عادي ومادرت إلا وهو يضحك ويقول لقيت شغل وكان فرحان وبهالمناسبه كان جايب شاورما وعصير ويقول تذكرين ذاك اليوم الإثنين اللي قاعدين بمكانا الحين وياكلون قلت خلنا نسوي مثلهم عمر يقول لأحد اصدقاءه واللي يشتغلون معه بالشركه إنه يحب وحده من المتدربات ومادروا إلا ولميس ومراد داخلين عليهم قال إسكت جت لميس هاذي تفهمها على الطاير * * صالح كان بالقهوه وكان زوج إخت يحيى سكرااااان ويسب بالموجودين قاله صالح ياإبن الحلال روح لبيتك يكفيك شرب وذاك يقول مالك دخل حتى صاحب المطعم ماسلم من لسانه وبعدين وصله صالح لبيته وفتحت زوجته ودخلته سلم صالح عليها وكان منقهر على الوضع اللي عايشته ويسمع زوجها وهو يناديها ويلعنها ويوم سكرت الباب مايسمع إلا ضربه بزوجته وهي تصارخ وتصيح صالح إنقهر مررررره يحيى بالشغل ورفيف خلصت دورتها وكان مواعدها يشوفها مادرى إلا وأحد العمال جايه ويقول ترى اليوم بنطول بالشغل لأنا ننتظر شاحنه ماجت لسى قال يحيى وش هالحاله أنا مواعد رفيف الحين وشلون خلاص أبروح أكلمها على الشغل دق وردت الموظفه وقال إن المتدربين طلعوا خلاص ومابقى أحد رفيف كانت تنتظر يحيى وشافها عمر وأصر إنه يوصلها وطلعت لميس من الشركه وشافت رفيف وهي تركب مع عمر وعيون لميس صارت كذا |
|
|
12/03/2008, 03:24 PM
| ||||
| ||||
| الحلقه السادسه خلصت رفيف من الدوره وطلعت تنتظر يحيى على اساس بيجيها في هاللحظه كان عمر طالع وشاف رفيف تنتظر وقالها خليني اوصلك ورفضت فاصر وقالها الشمس بتغرب فوافقت وركبت معه وشافتهم لميس وهم بالسياره * بالليل كانت لميس بالبيت تنتظر عمر ولما جا قالتله وش كنت تسوي مع رفيف وليكون ناويه تلعب عليها مثل الي قبلها عمر قالها انه ما كان يقصد شي وانه طلب يوصلها لان كل الباصات راحت لميس قالتله قامت بتروح عنها وقالتله انا اعرف وش ناوي عليها بس بقولك شغله ان رفيف مخطوبه وخطيبها هو الي دعسته بالسياره * اليوم الثاني راحت رفيف بتشوف هل هي نجحت بالدوره وكان اسمها مع الناجحين .. رفيف اتصلت بخطيبها على اساس تقوله انها نجت وهيك بس يحيى كان وراه شغل كثير وكان كل شوي رجال يناديه يجي يشتغل وقال لرفيف ان بكره وبعده انا مشغوول مره قالتله رفيف ان بكره الحفل لتكريم الناجحين بس هو سكر السماعه بسرعه عشان الشغل بالبيت رفيف كانت جالسه مع امها واختها وكانت تقولهم ان يحيى ما راح يقدر يجي بس الام قالت ولا يهمك انا بكره بحظر الحفل بعدين راحت الام عن بناتها رفيف قعدت تشكي لاختها وتقولها انا ودي بحيى معي والمفروض يكوني معي بهالحظه قامت اختها تهاوشها لا تصيرين انانيه وهو اصلا يشتغل عشان يستاجر لكم بيت رفيف تضايقت شوي بعدين قامت قالت لها وين رايحه قالت بروح ليحيى وتو الساعه ما صارت سبعه راحت رفيف بالباص ولما وصلت طلبت من الحارس ينادي لها يحيى بس قالها ان يحيى عنده شغل وماراح يخلص الا بعد 3 ساعات وانصحك تروحين لان الدنيا ليل * من بكره بدا شغل رفيف بالمحل وكانت تساعد الزباين تقنع هذي وتساعد هذيك .. كان عمر طول الوقت عينه عليها وكل ما تتحرك لجه يروح يختلس النظر من الجهه الثانيه في هالوقت كان يحيى وصالح بالشغل وراحوا طلبوا من المدير نص يوم اجازه وقالهم بفكر بدا الحفل وكانت رفيف هناك تنتظر امها جت لميس هي ابوها وامها وعمر معهم وقفت لميس تسلم على رفيف وبدورها رفيف شكرتها على الشغل بعدين مشوا ووقف عمر مع رفيف وقالها مبروك وراح .. بعدين جت ام رفيف وراحوا يجلسون جاء صالح فرحان ليحيى وقاله ان المدير وافق وعطانا اجازه انت اليوم وانا بكره وراح يركض عشان يلحق على الحفل وصل يحيى لبيت رفيف وقابلته احت رفيف وقالتله ان رفيف حاولت تتصل فيك بس ما قدرت وان امي راحت معها ..وكان يحيى شوي متضايق بالحفل بدأ تكريم الناجحين ولما انذكر اسم رفيف قامت لتستلم الشهاده بهاللحظه دخل يحيى وكان مبسوط عشان رفيف كان قدامه بنتين يتكلمون على رفيف ( بانها محظوظه وانها لازم تنجح عشان مديرها معجب فيها ومن هال كلام) زعل يحيى وطلع قبل ما تشوفه رفيف وراح ينتظرها عند باب بيتها * كانت رفيف تتعشى هي وامها بعدين الام قالت انها تعبانه ونعست وبتروح البيت قالت رفيف قالت بقعد شوي وبعدين بجي .. رجعت الام للبيت وكان يحيى متخبي ورا الشجره وشاف الام راجعه بدون رفيف .. رفيف بعد ما تعشت وانبسطت بترجع البيت قابلها عمر وقالها خليكي شوي قالت مقدر تاخرت على البيت ولازم ارجع قاله عمر شرايك اعزمك على مطعم وفيه موسيقى قالت لا شكرا قال ماراح اقولك مع السلامه وتصبحين على خير لاني حاس اني بشوفك اليوم قالت لا مااظن ومع السلامه رجعت البيت مع سواق الشغل وكانت معها صديقتها وصلوا صديقتها وقالت رفيف للشوفير نزلني عند اول الحي قال ما اقدر عندي اوامر اوصلك لين باب بيتكم قالت اوكي لما وصلت قابلها يحيى وقامت تركض من الفرح وحضنته بس هو ما تجاوب معها وكان باين عليه متضايق من الكلام الي سمعه قالها ليش ما رجعتي مع امك قالت حبيت اقعد انبسط شوي دار حوار طويل ما اذكر ه كله بس الي اذكره انه قاله مين الي وصلك قالت الشوفير قال اشوفير هاه كل مره تسكتيني فيه قالت والله ما اكذب وكانت صديقتي معي قالها وش هالكلام الي يحكون عنك فيه قالت اي كلام قال انتي تعرفين قالت لا ما اعرف قالها انهم يقولون انك نجحتي عشان المدير حب ينجحك وانك عاجبته ووو .. وقالها بكره تستقيلين من الشغل قالت لا بعدين ضربها كف وزعلت هي ودخلت البيت ويحيى تحسف كثير انه ضربها رفيف كانت بغرفتها وزعلانه بعدين خذت شنطتها وطلعت من البيت كان عمر ينتظر ر فيف بالمطعم وشكله فقد الام انها تجي وقام بيطلع وقابل رفيف داخله جت جلست وهو استانس قال شو تشربي قالت ما بدي شي وانا اصلا ما بعرف ليش جيت وراح طلعت لحقها عمر وقالها ليش قالت ماراح تفهم قال فهميني لازم افهم ليه جيتي وبعدين تطلعين قالت الموضوغ مخربط وقالت انا مخطوبه وبتزوج قال زواج بالاكراه قالت تخانقت انا وخطيبي وحبيت اقهره وجيت هنا قالت تستغليني يعني قالت لا مو قصدي والله مو قصدي وتركته بكره الصبح كانت رفيف طالع بتركب الباص عشان بتروح لشغلها وكان يحيى واقف ينتظرها بس هي ما عطته وجه وركبت الباص وانتهت الحلقه |
|
|
| العلامات المرجعية |
| الكلمات الدلالية (Tags) |
| حصريآ |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
العرض العادي
|
|
|
المواضيع المتشابهه | ||||
| الموضوع | كاتب الموضوع | الأقسام الرئيسية | مشاركات | المشاركة الاخيرة |
| معزوفات سنوات الضياع , معزوفات مسلسل سنوات الضياع , معزوفة مسلسل سنوات الضياع حصرياً | °الـღـفَـ°ـنـَღـانـْ° | الموسيقي العربية Music | 23 | 14/02/2009 11:10 PM |
| حلقات المسلسل التركي لحظة وداع/ باللغة التركية كامل جميع الحلقات من1-50 | خليل | المسلسلات العربية و التركية | 0 | 16/11/2008 12:08 PM |
| ممكن الحلقة 147 من مسلسل سنوات الضياع | تمارة | المسلسلات العربية و التركية | 5 | 31/10/2008 02:32 PM |
][ جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى ][
SEO by vBSEO 3.3.0