واله يا جماعة انا شفت كل الردود وبصراحة الوضع مأساوي
في البداية بتشكر الاخ محمود علي طرح هيك موضوع مهم
تاني شي وبصراحة وبكل المقاييس طلاب توجيهي السنة كانو مقصرين لابعد الحدود
كانو فاكرينها رحلة... بيقلك الامتحانات راح تجي من كتب الوزارة نسخ ولصق وراح يجيبو الاسالة مباشرة عشان الحصار وراح يخففو علينا المراقبة ويسمحولنا بالغش وبغض النظر عن انو الامتحانات السنة اجت من الضفة يعني فيه تقارب كبير في المنهج الجديد مع المنهج الاردني الي تعودو عليه طلاب الضفة وطبعا طلابنا هون محاضرين بدهم ورقة الاسالة وورقة الاجابة معها
انا مو قصدي احبط اي شخص بس ما في بعد الصراحة وبدون شك يعني احيانا بتحصل اخطاء لانو لجنة التصحيح مو معصومة من الخطا بس شو هنعمل هاد واقع واكيد هنرضي فيه
ويارب السنة القادمة يشدو حالهم ونشوف درجاتهم لانو ما هيكون معهم مواد كتيرة متل اول
بالنسبة للاخت رحا هلا ما تفكري باي شي غير انك تدرسي وتثبتي جدارتك وقدرتك علي الحصول علي درجة مشرفة في الرياضيات
والاخت عاشقة فهادا يا خيتو نصيبك وان شا الله بتلاقي تخصص الي ترتاحي فيه ويكون افضل من التخصص الي كنتي بتحلمي فيه
وتحياتي للجميع